महिला सहमहामन्त्रीमा उपाध्याय विजयी

काठमाडाैं, पुस १ : नेपाली कांग्रेसको महिला सहमहामन्त्रीमा महालक्ष्मी उपाध्याय डिना निर्वाचित भएकी छन् । प्रधानमन्त्री तथा सभापति शेरबहादुर प्यानलबाट उम्मेदवार बनेकी उपाध्यायले २ हजार ५ सय ३३ मत प्राप्त गरिन्।

उपाध्यायले प्रतिद्वन्द्वी कमला पन्तलाई  ४२८ मतान्तरले हराइन्। शेखर कोइराला प्यानलकी पन्तले २ हजार १ सय ५ मत प्राप्त गरिन्।

निर्वाचनको मत परिणाम आए पनि औपचारिक घोषणा हुन भने बाँकी छ।