Kathmandu Press

भक्तपुरस्थित जर्मन पार्टी प्यालेसमा एमाले केन्द्रीय कमिटी बैठक बस्ने 

काठमाडौँ, मंसिर २२ : नेकपा (एमाले) को दोस्रो केन्द्रीय कमिटी बैठक भक्तपुरमा बस्ने भएको छ।  एमाले केन्द्रीय कार्यालय सचिव शेरबहादुर तामाङले ठाउँको अभावले भक्तपुरको गट्ठाघरस्थित...
भक्तपुरस्थित जर्मन पार्टी प्यालेसमा एमाले केन्द्रीय कमिटी बैठक बस्ने 
फाइल तस्बिर

काठमाडौँ, मंसिर २२ : नेकपा (एमाले) को दोस्रो केन्द्रीय कमिटी बैठक भक्तपुरमा बस्ने भएको छ। 

एमाले केन्द्रीय कार्यालय सचिव शेरबहादुर तामाङले ठाउँको अभावले भक्तपुरको गट्ठाघरस्थित जर्मन होममा बैठक बस्ने जानकारी दिए । यसअघि ललितपुरस्थित तुलसीलाल स्मृति प्रतिष्ठानमा बस्ने गरेको थियो। 

यही मङ्सिर २५ र २६ गते एमालेको केन्द्रीय कमिटी बैठकमा स्थायी कमिटी गठन, पोलिटब्यूरो गठन, विभिन्न विभाग गठनलगायत एजेन्डा रहेका छन्।

यही मङ्सिर १० देखि १४ गतेसम्म भएको एमालेको दसौँ राष्ट्रिय महाधिवेशनले अध्यक्ष केपी शर्मा ओलीको नेतृत्वमा ३०१ सदस्यीय केन्द्रीय कमिटी निर्वाचित गरेको थियो।

प्रकाशित मिति: १३:२२ बजे, बुधबार, मंसिर २२, २०७८