२ मतले पराजित भएका गुरु घिमिरेद्वारा पुनः मगतणनाको माग 

काठमाडौं, मंसिर २० : नेपाली कांग्रेस प्रदेश १ को सभापति पदमा झिनो मतान्तरले पराजित भएका गुरुराज घिमिरेले पुनः मत गणनाको माग गरेका छन्। 

घिमिरे संस्थापन पक्षका उम्मेदवार उद्वव थापासँग २ मतले पराजित भएका छन् । सोही कारण उनले पुनः मतगणनाको माग गर्दै केन्द्रीय र प्रदेश निर्वाचन समितिमा लिखित निवेदन दिएका हुन्। 

सभापति पदमा ८४२ मत प्राप्त गरेका छन् भने ८४४ मत सहित थापा विजयी भएका छन्।  त्यस्तै  उपसभापतिमा टंकप्रसाद राई (८४७) र रमेशजङ्ग रायमाझी (८९१) विजयी भएका छन्।

महामन्त्रीमा उमेश थापा (८२३) र भूपेन्द्र राई (८२४) विजयी भएका छन्। थापा घिमिरे प्यानलबाट विजयी भएका हुन्।

सह–महामन्त्री (महिला) तर्फ प्रमिलाकुमारी गच्छेदार (८३७), सह–महामन्त्री (खुला)तर्फ खड्ग फागो (१०२६) र विनोदकुमार बस्नेत (७४७) विजयी भएका छन्।