राष्ट्रपति सीद्वारा बहुपक्षीयतालाई समर्थन गर्ने अटल संकल्प

बेइजिङ, मंसिर १९ : बहुपक्षीयतालाई समर्थन गर्ने चीनको दृढ संकल्प परिवर्तन नहुने चिनियाँ राष्ट्रपति सी चिनफिङले बताएका छन्। आज (आइतबार) २०२१ इम्पेरियल स्प्रिङ्स अन्तर्राष्ट्रिय मञ्चको उद्घाटन समारोहमा भिडियोमार्फत सम्बोधन गर्दै उनले सो धारणा व्यक्त गरेका हुन्।

‘बहुपक्षीयता भनेको अन्तर्राष्ट्रिय मामिलालाई सबै पक्षले परामर्शबाट व्यवस्थित गर्ने र विश्वको भविष्य सबै देशले मिलेर काम गर्ने निर्णय गर्नु हो,’ राष्ट्रपति सीले भने।

सीले संयुक्त राष्ट्रसङ्घसँगको अन्तर्रा्ष्ट्रिय प्रणाली, अन्तर्राष्ट्रिय कानूनद्वारा निहित अन्तर्राष्ट्रिय व्यवस्था, संयुक्त राष्ट्र संघको बडापत्रका उद्देश्य र सिद्धान्तहरूमा आधारित अन्तर्राष्ट्रिय सम्बन्धका आधारभूत मान्यताहरू र मानवताको शान्ति, विकासको साझा मूल्यमान्यतालाई प्रवर्द्धन गर्न आह्वान गरे। 

यो वर्ष चिनियाँ कम्युनिष्ट पार्टी (सीपीसी) को शतवार्षिकी मनाउने क्रममा राष्ट्रपति सीले विगत शताब्दीमा चिनियाँ कम्युनिष्ट पार्टीको प्रयासबाट प्राप्त ऐतिहासिक अनुभवको एउटा महत्त्वपूर्ण अंश भनेको विश्वव्यापी दृष्टि कायम राख्नु र मानवताको भविष्यलाई मनमा राख्नु भएको बताए।

विश्व शासनको व्यवस्थाको सन्दर्भमा सीले अन्तर्राष्ट्रिय सम्बन्धमा प्रजातन्त्रलाई अगाडि बढाउने, अन्तर्राष्ट्रिय मामिलामा विकासोन्मुख देशहरूको प्रतिनिधित्व र आवाजलाई बढावा दिनु र त्यसलाई अगाडि बढाउनु महत्त्वपूर्ण रहेको बताए।

केही समय अघि, सीले दिगो विकासका लागि २०३० एजेन्डाको कार्यान्वयनलाई तीव्रता दिन र साझा भविष्यको साथ विकासको विश्वव्यापी समुदाय निर्माण गर्ने उद्देश्यले विश्वव्यापी विकास पहल प्रस्ताव गरेका थिए।

‘मलाई आशा छ कि पहलमा धेरैले सक्रिय भाग लिनेछन्उ,’ उनले भने, ‘काममा ध्यान केन्द्रित गर्न र विश्वव्यापी सहयोग एजेन्डा मार्फत पछ्याउन आह्वान गरेका छन्।

‘हामीले प्राथमिकताको रूपमा विकास, गरिबी निवारण, कोभिड प्रतिक्रिया र खोपहरू, विकास वित्तपोषण, हरित संक्रमण र कनेक्टिभिटी, र विश्वव्यापी विकासलाई सन्तुलित, समन्वय र समावेशी वृद्धिको नयाँ चरणमा पुर्‍याउन अग्रगामी सहयोगको रूपमा प्रतिबद्ध रहनु महत्त्वपूर्ण छ,’ राष्ट्रपति सीले जोड दिए।

चीनले बहुपक्षीयताका आधारभूत मूल्यमान्यता र आधारभूत सिद्धान्तहरूमा दृढताका साथ अडिग रहने, आपसी हितलाई पछ्याउने, मतभेदलाई शान्त गर्दै साझा आधार खोज्ने, निष्पक्षता र न्यायलाई कायम राख्ने र सहयोगमार्फत विकासलाई प्रवर्द्धन गर्ने सीले बताएका छन्।