Kathmandu Press

सर्वोच्चमा नियमित पेशी तोकिएपनि सुनुवाई सुरु हुन सकेन 

काठमाडौँ, मंसिर १७ः सर्वोच्च अदालतमा आज बन्दी प्रत्यक्षीकरण सहित सबै खाले मुद्दाका पेसी तोकिएको छ तर सुनुवाइ  सुरु हुन सकेको  छैन। सुनुवाइका लागि  ११ वटा...
सर्वोच्चमा नियमित पेशी तोकिएपनि सुनुवाई सुरु हुन सकेन 

काठमाडौँ, मंसिर १७ः सर्वोच्च अदालतमा आज बन्दी प्रत्यक्षीकरण सहित सबै खाले मुद्दाका पेसी तोकिएको छ तर सुनुवाइ  सुरु हुन सकेको  छैन।

सुनुवाइका लागि  ११ वटा इजलास गठन भएकामा  नौ संयुक्त र दुई एकल इजलास रहेको छ । ती इजलासमा १३६ मुद्दा सुनुवाइका लागि राखिएको छ।

सर्वोच्चमा यही मङ्सिर १५ गतेदेखि गोला प्रक्रियाबाट पेसी तोकी सुनुवाइ प्रारम्भ गरे पनि आन्तारिक विवादका कारण गत कात्तिक ८ गतेदेखि नै बन्दीका  रिट निवेदनबाहेक अन्य मुद्दामा सुनुवाइ हुन सकेको छैन।

प्रधानन्यायाधीश चोलेन्द्र शम्शेर जबरा कोभिड–१९ को सङ्क्रमणका कारण सोमबार अस्पतालमा भर्ना भएकाेमा  आज घर फर्किएका छन्। 

प्रकाशित मिति: १२:५२ बजे, शुक्रबार, मंसिर १७, २०७८