आज केही प्रदेशमा वर्षा र हिमपताको सम्भावना

काठमाडौं, मंसिर १६ : नेपालमा तीन वटा मौसम प्रणालीको प्रभाव रहेकाले देशका केही भूभागमा वर्षा र हिमपातको सम्भावना रहेको जल तथा मौसम विज्ञान विभागले जनाएको छ।

विभागको मौसम पूर्वानुमान महाशाखाका अनुसार पश्चिमी वायुसँगै आएको पश्चिमी न्यून चापीय प्रणाली, अरब सागरमा बनेको न्यून चापीय क्षेत्र र आसपासमा रहेको न्यून चापीय प्रणालीको नेपालमा प्रभाव रहेको छ।

जसले गर्दा सुदूरपश्चिम, कर्णाली, लुम्बिनी र गण्डकी प्रदेश धेरै स्थानमा सामान्यदेखि पूर्ण बदली रहने भएको छ।

त्यस्तै, सुदूरपश्चिम, कर्णाली, लुम्बिनी, गण्डकी र बागमती प्रदेशका उच्च पहाडी तथा हिमाली भूभागका हिमपताको सम्भावना रहेको महाशाखाले जनाएको छ।

काठमाडौं उपत्यका पनि यो प्रणलीको प्रभाव देखिएको छ। भोलि रातिदेखि काठमाडौंमा बदली हुने महाशाखाको आंकलन छ।