पत्नीलाई बलात्कार गरेको आरोपमा ३० वर्षीय युवक पक्राउ

भक्तपुर, भदौ ६ : पत्नीलाई बलात्कार गरेको आरोपमा एक युवकलाई प्रहरीले पक्राउ गरेको छ।

बिरामी भएको बेला पतिले बलात्कार गरेको पत्नीले उजुरी दिएकी थिइन्। त्यसका आधारमा महानगरीय प्रहरी परिसर, भक्तपुरको टोलीले युवकलाई पक्राउ गरेको हो।

उनलाई हिजो पक्राउ गरेको महानगरीय प्रहरी परिसर, भक्तपुरका प्रहरी नायब उपरीक्षक रेवतीरमण पोखरेलले बताए।
 
रामेछाप घर भई हाल चाँगुनारायण नगरपालिका–८ जीतपुरमा बस्दै आएका ३० वर्षीय युवकलाई पक्राउ गरिएको उनले बताए। उजुरी दिने उनकी पत्नी २६ वर्षकी छन्। 

उनीहरूको १० वर्षअघि विवाह भएको थियो। उनीहरूको आठ वर्षको एक छोरा रहेको पोखरेलले बताए।

युवतीको थापाथलीस्थित प्रसूतिगृहमा स्वास्थ्य परीक्षण गरिएको छ। युवकको आज स्वास्थ्य परीक्षण गरी अदालत पेश गरिने डीएसपी पोखरेलले बताए।

पत्नीको ईच्छा विपरित शारीरिक सम्बन्ध राखे बलात्कार मानिने कानुनी व्यवस्था रहेको छ। यसमा लोग्नेलाई तीनदेखि ६ महिनोसम्म जेल सजाय हुने कानुनी व्यवस्था रहेको छ।

बलात्कारसम्बन्धी यस्ताे छ कानुनी व्यवस्था :