कांग्रेस सुनसरी सभापतिमा केदार भण्डारी

विराटनगर, मंसिर १३ : नेपाली कांग्रेस सुनसरीको सभापतिमा केदार भण्डारी निर्वाचित भएका छन्।

सोमबार सम्पन्न मतगणनामा भण्डारीले ११३ मतले सञ्जयकुमार श्रेष्ठलाई पराजित गरेका हुन्।

भण्डारीले १ हजार ४ सय २२ मत ल्याउँदा श्रेष्ठले १ हजार ३ सय ९ मत ल्याएका थिए। 

उपसभापतिमा नागेशचन्द्र राई र पंकज कुमार महतो निर्वाचित भएका छन्। सचिवमा वीरेन्द्रकुमार शाह र माधवकुमार घिसिङ निर्वाचित भए।

सहसचिवमा मनीषकुमार राय र गणेश सुब्बा विजयी भएका छन्।