चितुवाको छालासहित ४ जना पक्राउ
सुर्खेत, मंसिर ४ : बराहताल गाउँपालिका ५ बड्डिचौरस्थित प्रेम होटलको ३ नम्बर कोठाबाट ३ थान चितुवाको छालासहित चार जना पक्राउ परेका छन्। पक्राउ पर्नेमा अछाम पंचदेवल नगरपालिका ८ का ३५ वर्षीय कमल शाही र अन्य तीन जना रहेका छन्।
शनिबार दिउँसाे बिशेष सूचनाको आधारमा कर्णाली प्रदेश प्रहरी कार्यालय सुर्खेत ब्यूरो, जिल्ला प्रहरी कार्यालय सुर्खेत र प्रहरी चौकी बड्डिचौर सुर्खेतबाट खटिएको प्रहरीले उनीहरुलाई उक्त छालासहित फेला पारी पक्राउ गरेको हो।
यस सम्बन्धमा प्रहरीले आवश्यक अनुसन्धान गरिरहेको छ।
प्रकाशित मिति: १८:३४ बजे, शनिबार, मंसिर ४, २०७८
प्रतिक्रिया दिनुहोस्
थप समाचार
