नेपालमा लगाईयो कोरोना बिरुद्ध एक करोड ६८ लाख वढी मात्रा खोप

काठमाडौं, मंसिर ३ : नेपालमा कोरोना बिरुद्धको खोप अभियान शुरु भएयता अहिलेसम्म एक करोड ६८ लाख ८३ हजार एक सय ६० मात्रा खोप लगाईएको छ ।

स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा एक लाख ७३ हजार चार सय ९८ जनाले कोरोनाविरुद्धको खोप लगाए ।

यो सँगै ९० लाख वढीले कोरोना भाइरसविरुद्धको खोपको पहिलो मात्रा लगाएका छन् भने ७८ लाख एक हजार पाँच सय ६ जनाले पूर्ण मात्रा खोप लगाएका छन् ।