विभिन्न स्थानमा गरी तीन जना मृत अवस्थामा फेला
काठमाडौं, कात्तिक ३० : काठमाडौंको कीर्तिपुर नगरपालिका ४ पुष्पलाल पार्कस्थित जंगलमा हाल नाम, थर, वतन नखुलेका करिब ५० वर्षीय पुरुष मंगलबार मृत अवस्थामा फेला परेका छन् ।
काभ्रे, पनौती नगरपालिका १० बस्ने २५ वर्षीय गणेश बहादुर कार्की सोही ठाउँ पावरहाउसस्थित सडक नजिक मंगलबार मृत अवस्थामा फेला परेका छन् ।
विगत ३ दिनदेखि हराएका उनको खोजी गर्ने क्रममा उक्त स्थानमा शव फेला परेको हो । यसैगरी काभ्रे, बनेपा नगरपालिका-९ सागर ग्याँसस्थित सडकको नालामा सोही नगरपालिकास्थित च्याउ कृषि फर्ममा काम गरी बस्ने मोरङ बेलबारी घर भएकी ४० वर्षीया शान्ता बिक मंगलबार मृत अवस्थामा फेला परेकी छन् ।
यस सम्बन्धमा प्रहरीले थप अनुसन्धान गरिरहेको छ ।
प्रकाशित मिति: १८:०१ बजे, मंगलबार, कात्तिक ३०, २०७८
प्रतिक्रिया दिनुहोस्
थप समाचार
