आगामी चुनावमा कांग्रेस एक्लै चुनाव लड्छ : सभापति देउवा

काठमाडौं, कात्तिक २८ : सत्तारुढ नेपाली कांग्रेसका सभापति शेरबहादुर देउवाले आगामी चुनावमा अन्य पार्टीसँग गठबन्धन गर्ने बिषयमा सहमति नभएको प्रष्टाएका छन् ।

आइतबार बसेको केन्द्रीय कार्यसमितिको बैठकमा प्रधानमन्त्री समेत रहेका देउवाले सत्ता गठबन्धनमा आगामी चुनावमा सामेल हुने विषयमा कुनै सहमति नभएको प्रष्टाएका हुन् । 

चुनावमा गठबन्धन गर्नेबारे कसैसँग कुनै सहमति नभएको बताएका छन् । ‘आगामी चुनावमा गठबन्धन हुन्न, हामी एक्लै लड्ने हो’, देउवाले बैठकमा भने । 

प्रधानमन्त्री देउवाले सत्ता गठबन्धनले बनाएको राजनीतिक संयन्त्र (समन्वय समिति) राष्ट्रिय सभाको उपनिर्वाचनसम्मका लागि बनाइएको पनि बताए ।