भिरबाट लडेर एक किशोरको मृत्यु    

प्युठान, कात्तिक २८ : भिरबाट लडेर प्युठानमा एक किशोरको मृत्यु भएको छ ।

माण्डवी गाउँपालिका–५ स्थित सिख्रे भिरबाट लडेर सोही ठाउँ बस्ने १८ वर्षीय अजय परियारको शनिबार बिहान मृत्यु भएको प्रहरीको भनाइ छ। 

उक्त भिरबाट शुक्रबार साँझ करिब १ सय ५० मिटर तल लडेर गम्भीर घाइते भएका उनलाई शनिबार आफ्न्तले फेला पारी जिल्ला अस्पताल बिजुवार लगेकोमा उपचारका क्रममा उनको मृत्यु भएको हो। 

यस सम्बन्धमा आवश्यक अनुसन्धान भइरहेको प्रहरीले जनाएको छ।