चितवनका भीमबहादुर विकको हत्यामा संलग्न दुईलाई अदालतले पठायो कारागार

काठमाडौं, कात्तिक २६ : गत दसैंको नवमीका दिन निर्घात कुटपिटबाट हत्या गरिएका चितवनका भीमबहादुर विकमाथि कुटपिट गर्ने दुईजनालाई शुक्रबार जिल्ला अदालतले पुर्पक्षका लागि कारागार चलान गरेको छ ।

स्थानीय सीताराम बस्नेत र दिलिप श्रेष्ठको कुटपिटका कारण ५८ वर्षीय विकको मृत्यु भएको थियो । भीमबहादुरका छोरा किसनले उनीहरू विरुद्ध किटानी जाहेरी दिएका थिए ।

२८ असोजमा भरतपुर–४ स्थित दुर्गा मन्दिरमा पूजा गर्न पाउनुपर्छ भन्दा बस्नेत र श्रेष्ठले कुटपिट गरेका थिए । उनीहरूको कुटपिटबाट भीमबहादुरको मृत्यु भएको थियो।

दोषीमाथि कडा कारवाही माग गर्दै परिवारले अझै भीमबहादुरको शव बुझेको छैन ।