प्रधानन्यायाधीश पक्ष र विपक्षका वकिलबीच झडप, पाँच पक्राउ

काठमाडौं, कात्तिक २६ : प्रधानन्यायाधीश चोलेन्द्रशम्शेर जबराको पक्ष र विपक्षमा रहेका कानून व्यवसायीबीच सर्वोच्च अदालतबाहिर झडप भएको छ ।

झडपमा उत्रेका पाँचजना कानून व्यवसायीलाई प्रहरीले नियन्त्रणमा लिएको छ ।

आन्दोलनरत कानून व्यवसायीहरूमाथि प्रधानन्यायाधीश पक्षधर वकिलहरूले आक्रमण गरेका हुन् । झडप सुरु भएपछि प्रहरीले हस्तक्षेप गरेको हो ।

पक्राउ पर्नेमा प्रधानन्यायाधीशको पक्षमा रहेका तीन महिलासहितका पाँच वकिल छन् ।