वकिलहरूलाई छक्याउँदै दोस्रो गेटबाट प्रधानन्यायाधीश सर्वोच्च प्रवेश

काठमाडौं, कात्तिक २६ : मुल गेटमा धर्नामा बसेका कानून व्यवसायीहरूलाई छलेर प्रधानन्यायाधीश चोलेन्द्रशम्शेर जबरा सर्वोच्च अदालत प्रवेश गरेका छन् ।

उनलाई सर्वोच्चमा प्रवेश गर्न नदिन कानून व्यवसायीहरू कार्यालय समय अगावै मुल गेटमा धर्नामा बसेका थिए । तर, मुल गेट नजिकै रहेको अर्को प्रवेश द्वारबाट सर्वोच्च प्रवेश गरेका हुन् ।

महान्यायाधीवक्ता कार्यालयनजिक सर्वोच्चको दोस्रो गेट छ । सोही गेटबाट उनी कार्यालय पुगेका हुन् ।