कोरोना अपडेट : नयाँ संक्रमितभन्दा निको हुने दोब्बरभन्दा बढी

काठमाडौं, कात्तिक २० : पछिल्लो २४ घण्टामा एक सय ३९ जनामा कोरोना संक्रमण पुष्टि भएको छ ।

तीमध्ये एक सय २८ जनामा पीसीआर र ११ जनामा एन्टिजेन परीक्षणबाट संक्रमण पुष्टि भएको हो ।

पछिल्लो २४ घण्टामा तीन सय ९६ जना संक्रमण जितेर घर फिरेका छन् । यस्तै, एकजनाको कोभिड–१९ का कारण मृत्यु भएको छ ।

यस अवधिमा तीन हजार नौ सय ३२ वटा नमूना परीक्षण गरिएको थियो । पछिल्लो २४ घण्टामा कोभिड–१९ विरुद्ध खोप लगाउनको संख्या एक हजार नौ सय ८५ छ ।

देशभर हाल आठ हजार एक सय ४४ जना सक्रिय संक्रमित छन् ।