हत्या गरेको अभियोगमा पक्राउ 

कैलाली, कात्तिक १३ : टिकापुर नगरपालिका ८ कालीमाटीका १८ वर्षीय अनुप साउदको हत्याको अभियोगमा प्रहरीले एक जनालाई  पक्राउ गरेको छ। धारिलो हतियार चक्कु प्रहार गरी हत्या गरेको अभियोगमा भजनी नगरपालिका ३ ठेकीपुरका १९ वर्षीय किरण साउदलाई शुक्रबार राति प्रहरीले पक्राउ गरेको हो। 

अनुप र किरणबिच सामान्य बिवाद भई झगडा हुँदा किरणले चक्कु प्रहार गर्दा अनुप गम्भीर घाइते भएको भन्ने खबर प्राप्त हुनासाथ ईलाका प्रहरी कार्यालय टिकापुरबाट खटिएको प्रहरीले घाइतेलाई उपचारका लागि टिकापुर अस्पताल पठाएकोमा उपचारको क्रममा मृत्यु भएको हो। 

यस सम्बन्धमा प्रहरीले आवश्यक अनुसन्धान गरिरहेको छ।