अफगानिस्तानको कान्दहारमा मस्जिदमा विष्फोट, १६ को मृत्यु
अफगानिस्तानको कान्दहारस्थित मस्जिदमा शुक्रबार भएको विष्फोटमा १६ जनाको मृत्यु भएको छ। घटनामा अन्य ३२ जना घाइते भएका छन्।
काबुल, असोज २९ : अफगानिस्तानको कान्दहारस्थित मस्जिदमा शुक्रबार भएको विष्फोटमा १६ जनाको मृत्यु भएको छ । घटनामा अन्य ३२ जना घाइते भएका छन् ।
उक्त विष्फोट कान्दहारको इमाम बारगाह मस्जिदमा भएको थियो । विष्फोटको कारण खुल्न नसकेको स्थानीय अधिकारीहरूले बताएका छन् ।
गत शुक्रबार पनि अफगानिस्तानको उत्तरी सहर कुन्दुजस्थित मस्जिदमा पनि विष्फोट गराइएको थियो । उक्त घटनाको जिम्मा इस्लामिक स्टेटले लिएको थियो ।
कान्दहारमा भएको विष्फोटमा इस्लामिक स्टेटको खुरासान गुटको हात हुन सक्ने काबुलस्थित बीबीसी संवाददाताको अनुमान छ । मस्जिदमा लगातार तीनपटक विष्फोट भएको थियो ।
प्रकाशित मिति: १७:४८ बजे, शुक्रबार, असोज २९, २०७८
प्रतिक्रिया दिनुहोस्
थप समाचार
