भारतमा थपिए १६ हजार कोरोना संक्रमित

काठमाडौं, असोज २७ : भारतमा पछिल्लो २४ घण्टामा १६ हजार २१ जना कोरोना संक्रमित थपिएका छन् ।

वल्डोमिटरको पछिल्लो विवरण अनुसार सो संख्या थपिएसँगै कुल संक्रमितको संख्या ३ करोड ४० लाख ५ सय पुगेको छ । यही अवधिमा २२ हजार ८५० जना संक्रमणमुक्त भएका छन् ।

यस सँगै त्यहाँ कोरोना निको हुनेको संख्या ३ करोड ३३ लाख ३५ हजार ३०१ जना पुगेको छ । यस्तै त्यहाँ थप २२९ जना संक्रमितको मृत्यु भएको छ ।

यस सँगै कुल मृतकको संख्या ४ लाख ५१ हजार २२० जना पुगेको छ । भारतमा अहिले सकृय संक्रमितको संख्या २ लाख १३ हजार ९७९ रहेको छ ।