सिन्धुलीको कमलामाईमा स्वस्तिका बनिन् एक दिनका लागि मेयर
सिन्धुली, असोज २२ : पछिल्लो समय पालिकाहरूले आफ्नो क्षेत्रभित्रका कसैलाई एक दिनका लागि प्रमुख बनाउने लहर नै चलेको छ।यसैबीच कमलामाई नगरपालिका पनि त्यही लहरमा...
सिन्धुली, असोज २२ : पछिल्लो समय पालिकाहरूले आफ्नो क्षेत्रभित्रका कसैलाई एक दिनका लागि प्रमुख बनाउने लहर नै चलेको छ।
यसैबीच कमलामाई नगरपालिका पनि त्यही लहरमा जोडिएको छ। जसलका कारण वडा १३ की १८ वर्षीया स्वस्तिका बख्रेल एकदिने मेयर बन्ने अवसर पाएकी छन्।
आउँदे गरेको अन्तर्राष्ट्रिय बालिका दिवसको अवसरमा कमलामाईका मेयर खड्गबहादुर खत्रीले स्वस्तिकालाई पदभार ग्रहण गराएका हुन्।
स्वस्तिकालाई एक दिनका लागि भए पनि मेयर कुर्सीमा राख्न पाउँदा आफूलाई अत्यन्त खुसी लागेको प्रतिक्रिया मेयर खत्रीले दिए। यस्तो कार्यक्रमले किशोरी तथा बालिका सबैलाई प्रेरणा मिल्ने मेयर खत्रीले बताए।
कक्षा १२ को परीक्षा दिएर बसेकी स्वस्तिका किशोरी र बालिकाहरूमा जनचेतना जगाउन सक्रिय रहँदै आएकी छन्। मेयरको कुर्सीबाट स्वस्तिकाले भविष्यमा मेयर बन्ने र राम्रो काम गर्ने सपना देखेकाे बताइन्।
