मोटरसाइकल दुर्घटनामा एकको मृत्यु
काठमाडौं, असोज २२ : भक्तपुरको सूर्यविनायकमा मोटरसाइकल दुर्घटनामा हुँदा एक जनाको मृत्यु भएको छ भने एक जना घाइते भएका छन् ।
सूर्यविनायक नगरपालिका –५ अरनिको राजमार्गमा सल्लाघारीबाट राधेराधेतर्फ जाँदै गरेको वा ०२–०१७ प १०१२ नं को मोटरसाइकल आफै अनियन्त्रित भइ सडक छेउको डिभाईडरमा ठक्कर खाइ दुर्घटना भएको भक्तपुर प्रहरीले जानकारी दिएको छ ।
दुर्घटनामा गम्भीर घाइते भएका मोटरसाइकल चालक सप्तरीको बर्निया घर भइ काठमाडौं महानगरपालिका– ३२ नरेफाँटस्थित मोटरसाइकल वर्कसपमा काम गर्ने १६ वर्षीय राम मण्डलको मध्यपुर ठिमी अस्पतालमा उपचारका क्रममा मृत्यु भएको प्रहरी नायव उपरिक्षक दीपक गिरीले जानकारी दिए ।
यस्तै मोटरसाइकलमा पछाडी सवार नुवाकोट दुप्चेश्वर गाँउपालिका वडा नं ४ का १८ वर्षीय राजन तामाङ सामान्य उपचारपछि डिस्चार्ज भएको प्रहरीले जनाएको छ ।
प्रकाशित मिति: १६:२६ बजे, शुक्रबार, असोज २२, २०७८
प्रतिक्रिया दिनुहोस्
थप समाचार
