जसपाले बिहीबार बिहानसम्म मन्त्रीको नाम टुंगाउने, गैरसांसदलाई मन्त्री नबनाउने 

काठमाडौं, असोज २० : जनता समाजवादी पार्टी नेपाल (जसपा) ले सरकारमा सहभागी हुने मन्त्रीहरूको नाम बिहीबार बिहान टुंगाउने भएको छ ।

आज बसेको जसपा नेपालको कार्यकारिणी समितिको बैठकले जसपाका तीन नेता उपेन्द्र यादव, बाबुराम भट्टराई र अशोक राईलाई मन्त्रीको नाम टुंगाउने जिम्मेवारी दिएको हो ।

अब तीन शिर्ष नेताले बिहिबार बिहान १० बजेसम्ममा जसपाबाट सरकारमा जानेहरुको नाम टुंगो लगाउने स्रोतले जनाएको छ । यो सँगै जसपाको मन्त्री टुंगाउने यादव, भट्टराई र राई भने आफै सरकारमा नजाने निश्चित भएको छ ।

यस्तै बैठकले जसपाको सांसद भएकालाई मात्र मन्त्री बनाउने निर्णय समेत गरेको छ ।  आजको बैठकमा जसपाका राजधानीमा उपलब्ध नेताहरु सहभागी थिए ।