उपत्यकामा संक्रमितको संख्या घट्दो, २५५ नयाँ थपिँदा सक्रिय संक्रमित ४,२१७ जना

काठमाडौं, असोज १६ : पछिल्लो २४ घन्टामा काठमाडौं उपत्यकामा २५५ जना कोरोना संक्रमित थपिएका छन्।

तीमध्ये काठमाडौंमा १६४, भक्तपुरमा २६ र ललितपुरमा ६५ जना रहेको स्वास्थ्य तथा जनसंख्या मन्त्रालयले जनाएको छ।

पछिल्लोपटक थपिएको सहित हाल उपत्यकामा सक्रिय संक्रमितको संख्या ४,२१७ रहेको छ।

तीमध्ये काठमाडौंमा २,४४३, भक्तपुरमा ८०० र ललितपुरमा ९७४ जना रहेको स्वास्थ्य तथा जनसंख्या मन्त्रालयले जनाएको छ।