मंगोलियामा कोभिड-१९ सङ्क्रमित संख्या तीन लाख नाघ्यो

उलान बटोर, असोज १३ : मंगोलियामा कोभिड-१९ सङ्क्रमितको संख्या ३ लाख नाघेको छ।

गत २४ घण्टामा २ हजार ५१५ जना नयाँ कोरोना सङ्क्रमित थपिएपछि कूल सङ्क्रमतिको संख्या ३ लाख १ हजार ४३४ पुगेको स्वास्थ्य मन्त्रालयले बुधबार जनाएको छ।

मङ्गलबार यहाँ कोरोना सङ्क्रमणबाट ६० वर्षभन्दा माथिका १९ बिरामीको मृत्यु भएको थियो। योसँगै मंगोलियामा कोरोनाबाट मृत्यु हुनेहरुको संख्या १ हजार १८५ पुगेको छ।

मंगोलियामा  करिब  ३४ लाख अर्थात कूल जनसंख्याको ६५ प्रतिशतलाई पूरा डोज खोप लगाइएको छ । यहाँँ कोभिड १९ नयाँ स्वरुपको रुपमा आएको डेल्टा भाइरसको सङ्क्रमण जारी रहेको छ।

यहाँ  दैनिक रुपमा २ हजारभन्दा बढी सङ्क्रमित र करिब २० जनाको मृत्यु हुने गरेको जनाइएको छ।