प्रदेश-२ मा लोसपा संसदीय दलको नेतामा जितेन्द्र सोनल निर्वाचित

काठमाडौं, असोज १२ : प्रदेश–२ प्रदेशसभामा लोसपाको संसदीय दलको नेतामा जितेन्द्र सोनल निर्वाचित भएका छन् ।

सर्वसम्मतिको प्रयास भए पनि सम्भव नभएपछि गरिएको निर्वाचनमा सोनल विजयी भएका हुन् ।

उनका प्रतिस्पर्धी उपेन्द्र महतो ६ मत ल्याएर पराजित भए भने सोनलले नौ मत प्राप्त गरे । एक मत बदर भयो ।

प्रदेशसभामा लोसपाका १६ सांसद छन् । लोसपाले संसदीय दलको विधान पनि पारित गरेको छ ।