नेपालमा कोरोनाबाट ज्यान गुमाउनेको संख्या ११ हजार नाघ्यो 

काठमाडौं, भदौ ३१ : नेपालमा कोभिड १९ संक्रमणबाट मृत्यु हुनेको संख्या ११ हजार नाघेको छ। स्वास्थ्य तथा जनसंख्या मन्त्रालयका अनुसार बिहीबार ११ जनाको मृत्यु भएसँगै मृतकको संख्या ११ हजार २ जना पुगेको हो ।

मन्त्रालयका अनुसार पछिल्लो २४ घण्टामा १५ हजार एक सय ७९ जनाको पिसिआर र एन्टिजेन परीक्षण गर्दा थप १५ सय ११ जना संक्रमित भेटिएका छन्।

जसअनुसार काठमाडौंमा दुई सय ९३, भक्तपुरमा ३९ र ललितपुरमा ९८ गरी उपत्यकाभित्र कुल चार सय ३० जना संक्रमित भेटिएका छन्। हाल देशभर २५ हजार ७७ सय २ जना सक्रिय संक्रमित रहेको मन्त्रालयले जनाएको छ।