सुनको मूल्यमा ६ सय रुपैयाँ वृद्धि, चाँदीको स्थिर

काठमाडौं, भदौ ३० : नेपाली बजारमा सुनको मूल्य ६ सय रुपैयाँले उकालो लागेको छ।

मंगलबार प्रतितोला ९० हजार ६ सय रुपैयाँमा कारोबार भएको छापावाल सुन  बुधबार ९१ हजार २ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ। 

त्यस्तै तेजाबी सुन तोलाको ९० हजार ७ सय रुपैयाँमा कारोबार भइरहेको महमासंघको भनाइ छ।

चाँदीको मूल्य भने स्थिर रहेको छ। बुधबार चाँदी प्रतितोला १ हजार २ सय रुपैयाँमा कारोबार भइरहेको महासंघले जनाएको छ।

मंगलबार पनि चाँदीको मूल्य त्यही नै थियो।