चोरीमा संलग्न रहेको आरोपमा पक्राउ

काठमाडौं, भदौ २४ : चोरीमा संलग्न रहेको आरोपमा दुईजना पक्राउ परेका छन्। 

काठमाडौं महानगरपालिका–४ बिशालनगर डेरा गरी बस्ने गुल्मी रेसुङ्गा नगरपालिका-१० घर भएकी ४७ वर्षीया बदुनी कुवँरको कोठाबाट नगद १ लाख रुपैयाँ तथा सुनका विभिन्न गरगहनासमेत गरी अन्दाजी १४ लाख ९५ हजार रुपैयाँ चोरी भएको घटनामा संलग्न रहेको आरोपमामा दुईजनालाई बुधबार दिउँसो प्रहरीले पक्राउ गरेको हो। 

पक्राउ पर्नेहरुमा काठमाडौं महानगरपालिका–३२ कोटेश्वर घर भएकी २३ वर्षीया इडेन लामा न्यौपाने र ललितपुर हात्तीवन बस्ने महोत्तरी जलेश्वर नगरपालिका–२ घर भएका २२ वर्षीय रितिक चौधरी छन्।

कुवँरको कोठामा चोरी भएको भन्ने खबर प्राप्त हुनासाथ महानगरीय वृत्त मालिगाउँबाट खटिएको प्रहरीले उनले काम गर्न राखेकी इडेनलाई नियन्त्रणमा लिई अनुसन्धान गर्ने क्रममा निजले उक्त धनमाल चोरी गरी निजकै साथी रितिकलाई राख्न दिएको भन्ने खुल्न आएपछि ललितपुर सातदोवाटो चोकबाट चोरीका गरगहना सहित रितिकलाई प्रहरीले पक्राउ गरेको हो ।

यस सम्बन्धमा थप अनुसन्धान भइरहेको प्रहरीले जनाएको छ।