चट्याङ्ग लागेर दुई जनाको मृत्यु
सप्तरी, साउन ७ : चट्याङ्ग लागेर सप्तरीमा दुई जनाको मृत्यु भएको छ। एक जनाको खेतमा र अर्कोको खेतबाट घर फर्किने क्रममा चट्याङ्ग लागेर मृत्यु भएको हो।
....
सप्तरी, साउन ७ : चट्याङ्ग लागेर सप्तरीमा दुई जनाको मृत्यु भएको छ। एक जनाको खेतमा र अर्कोको खेतबाट घर फर्किने क्रममा चट्याङ्ग लागेर मृत्यु भएको हो।
मृत्यु हुनेमा सप्तरीको सुरुङ्गा नगरपालिका–३ बस्ने ५५ वर्षीय हरिहर चौधरी र हनुमाननगर कङ्कालिनी नगरपालिका–११ का ४५ वर्षीया शिवसती देवी पण्डित रहेको प्रहरी नायब उपरीक्षक भावेश रिमालले बताए।
खेतमा काम गरिरहेको अवस्थामा चौधरीको र खेतबाट घर फर्किने क्रममा पण्डितको चट्याङ् लागेर मृत्यु भएको जिल्ला प्रहरी कार्यालय सप्तरीले जनाएको छ।
चट्याङ् लागेर गम्भीर घाइते भएका चौधरीलाई उपचारका लागि तत्कालै सप्तऋषि अस्पताल लहान लगेकामा उपचारका क्रममा मृत्यु भएको छ।
खेतमा काम गरिरहेका आफ्ना पतिलाई खाना पुर्याएर घर फर्कने क्रममा चट्याङ् लागेर पण्डितको ज्यान गएको प्रहरी नायब उपरीक्षक रिमालले बताए।
