तास खेलिरहेको अवस्थामा काठमाडौंमा पाँचजना पक्राउ

काठमाडौं, भदौ १९ : काठमाडौंको गोकर्णेश्वर नगरपालिका-६ नारायणटारस्थित टहरामा तास खेलिरहेको अवस्थामा सोही नगरपालिका-८ घर भएका पूर्णबहादुर तामाङ समेत ५ जनालाई शुक्रबार दिउँसो प्रहरीले पक्राउ गरेको छ। 

उक्त स्थानमा तास खेलिरहेको भन्ने सूचनाको आधारमा महानगरीय प्रहरी वृत्त बौद्धबाट खटिएको प्रहरीले उनीहरुलाई नगद ४१ हजार २ सय ६५ रुपैयाँ र ३ बुक ताससहित पक्राउ गरेको हो। यस सम्बन्धमा आवश्यक अनुसन्धान भइरहेको प्रहरीले जनाएको छ।