बैंक र कर कार्यालयमा अब एउटै विवरण पठाउनु पर्ने

काठमाडौं, साउन ६ : अब कुनै पनि उद्योगी तथा संघसंस्थाहरूले बैक र कर कार्यालयमा एउटै विवरण पठाउनु पर्ने भएको छ।

जसको लागि आन्तरिक राजस्व कार्यालयले तयारी स्वरुप आज बाणिज्य बैकका प्रमुख कार्यकारी (सीईओ)हरूलाई छलफलमा बोलाएको छ। खासगरी कर कार्यालयमा एउटा र बैंकमा अर्को वित्तीय विवरण पठाउने  प्रचलनविरुद्ध आन्तरिक राजश्व कार्यालयले अभियान सुरू गरेको हो।

व्यवसायीहरूले ऋण लिनका लागि बैकमा एउटा विवरण र कर कार्यालयमा एउटा विवरण पठाएर कर छलेको ठम्याई सरकारी अधिकारीको छ। सरकारले छुट्टा-छुट्टै विवरण पठाउँदा वित्तीय पारदर्शीता नभएको भन्दै गत आर्थिक वर्षको बजेटमा नै यस्तो व्यवस्था गरेको थियो। विभागले राष्ट्र बैकमार्फत सबै बैकका सीईओहरूलाई पत्र पठाएको हो।  

वित्तीय पारदर्शिता र अनुशासनका लागि एउटै विवरणमा जोड दिन लागेको विभाग स्रोतको भनाइ छ। आजको छलफलपछि व्यवसायीहरूसँस पनि कार्यान्वयनका लागि छलफल गरेर चालू आर्थिक वर्षबाटै एउटै विवरण लागू गर्ने तयारी विभागको छ।