जबरजस्ती करणी मुद्दाका फरार प्रतिवादी पक्राउ 

बाँके, भदौ ९ : जबरजस्ती करणी मुद्दाका फरार प्रतिवादी कोहलपुर नगरपालिका-७ लखनवा बस्ने ६५ वर्षीय खागा थारुलाई मंगलबार प्रहरीले पक्राउ गरेको छ। 

जिल्ला अदालत बाँकेको २०७६ असार ११ गतेको फैसलाले जबरजस्ती करणी मुद्दामा २ वर्ष ५ महिना ७ दिन कैद  ठहर भई फरार भएका उनलाई जिल्ला प्रहरी कार्यालय बाँकेबाट खटिएको प्रहरी पक्राउ गरेको हो। 

उनलाई फैसला कार्यान्वयनका लागि जिल्ला अदालत बाँकेमा बुझाइएको जिल्ला प्रहरी कार्यालय बाँकेले जनाएको छ।