चितुवाका तीन थान छालासहित तीनजना पक्राउ

दाङ, भदौ ६ : चितुवाका तीन थान छालासहित दाङबाट तीनजना पक्राउ परेका छन्।

लमही नगरपालिका-९ अमिलियाबाट ३ थान चितुवाको छालासहित बैतडी पाटन नगरपालिका-६ बस्ने २० वर्षीय विमल औजीलगायत तीनजनालाई शनिबार राति प्रहरीले पक्राउ गरेको हो। 

कोहलपुर  बाँकेबाट लमहीतर्फ जाँदै गरेको प्रदेश ३-०१-०२३ च ७६३८ नम्बरको कारलाई जिल्ला प्रहरी कार्यालय दाङ र ईलाका प्रहरी कार्यालय अमलियाबाट खटिएको संयुक्त प्रहरी टोलीले जाँच गर्ने क्रममा उक्त छाला फेला पारी कारमा सवार उनीहरुलाई पक्राउ गरेको हो। 

यस सम्बन्धमा थप अनुसन्धान भइरहेको प्रहरीले जनाएको छ।