मोटरसाइकल दुर्घटनामा एकजनाको मृत्यु
धादिङ, भदौ ३ : मोटरसाइकल दुर्घटनामा धादिङमा एकजनाको मृत्यु भएको छ।
धादिङको नीलकण्ठ नगरपालिका-८ ससाहस्थित सडकमा बा१६प ६६८५ नम्बरको मोटरसाइकल अनियन्त्रित भई बुधबार साँझ दुर्घटना हुँदा मोटरसाइकलमा सवार धादिङ सोही नगरपालिका-३ रिजालगाउँ बस्ने ३६ वर्षीया सुशीला भुजेल (घर्ती) को मृत्यु भएको छ।
उक्त मोटरसाइकललाई बा५ख १२५० नम्बरको बसले ओभरटेक गर्ने क्रममा मोटरसाइकललाई दुर्घटना भई सोही बसले किच्दा गम्भीर घाइते भएकी उनको जिल्ला अस्पतालमा उपचारका क्रममा मृत्यु भएको प्रहरीले जनाएको छ।
बस चालकलाई नियन्त्रणमा लिई फरार मोटरसाइकल चालकको खोजी गर्नुका साथै दुर्घटनाका सम्बन्धमा थप अनुसन्धान गरिरहेको प्रहरीले जनाएकाे छ।
प्रकाशित मिति: १४:२१ बजे, बिहीबार, भदौ ३, २०७८
प्रतिक्रिया दिनुहोस्
थप समाचार
