मोटरसाइकल दुर्घटनामा १ जनाको मृत्यु
चितवन, साउन २६ : चितवनको ईच्छाकामना गाउँपालिका ३ कुरिनटारमा मोटरसाइकल दुर्घटना हुँदा एक जनाको मृत्यु भएको छ। बा.४६ प ३२० नम्बरको मोटरसाइकल र ग.१६...
चितवन, साउन २६ : चितवनको ईच्छाकामना गाउँपालिका ३ कुरिनटारमा मोटरसाइकल दुर्घटना हुँदा एक जनाको मृत्यु भएको छ।
बा.४६ प ३२० नम्बरको मोटरसाइकल र ग.१६ प ५५३१ नम्बरको मोटरसाइकल एक आपसमा ठोक्किँदा मंगलबार दिउँसो ग.१६ प ५५३१ नम्बरको मोटरसाइकल चालकको मृत्यु भएको हो।
मृत्यु हुनेमा स्याङजा पुतली बजार नगरपालिका ४ का २६ वर्षीय शुसिल पोख्रेल रहेका छन्।
दुर्घटनामा गम्भीर घाइते भएका उनको पुरानो मेडिकल कलेज भरतपुरमा उपचारको क्रममा मृत्यु भएको हो। साथै दुर्घटनामा घाइते भएका अर्का मोटरसाइकल चालक भोजपुर कौवादुङमा गाउँपालिका ४ का २४ वर्षीय सन्दिप बस्नेत र मोटरसाइकलमा सवार सोही ठाउँ का २१ वर्षीय जय कार्कीको सोही अस्पतालमा उपचार भइरहेको छ।
ईलाका प्रहरी कार्यालय मुग्लिङबाट खटिएको प्रहरीले घाइतेहरूको उद्धार गर्नुका साथै दुर्घटनाका सम्बन्धमा थप अनुसन्धान गरिरहेको जनाएको छ।
