सशस्त्रका डिआइजी श्रेष्ठको अवकाश रोक्न सर्वोच्चको अन्तरकालीन अन्तरिम आदेश

काठमाडौं, साउन १० : सर्वोच्च अदालतले सशस्त्र प्रहरी नायब महानिरीक्षक (डिआइजी) प्रवीणकुमार श्रेष्ठलाई अनिवार्य अवकाश दिने निर्णय तत्काल कार्यान्वयन नगर्न अन्तरकालीन अन्तरिम आदेश जारी गरेको छ ।

न्यायाधीश अनिलकुमार सिन्हाको एकल इजलासले श्रेष्ठलाई अनिवार्य अवकाश भएको भनी सशस्त्र प्रहरी बलले असार ११ गते दिएको पत्र यथास्थितिमा राख्न सरकारका नाममा सो आदेश दिएको हो ।

पदावधि सकिएको भन्दै सशस्त्र प्रहरी बलले पत्र दिएपछि डिआइजी श्रेष्ठले त्यसविरुद्ध सर्वोच्च अदालत गएका थिए। सर्वोच्चले दुवै पक्षलाई साउन १३ गते अन्तरिम आदेशका लागि छलफलमा बोलाएको छ।