स्रोत नखुलेको ५ लाख नगदसहित युवती पक्राउ 

सर्लाही, असार ३० : सर्लाहीको मलंगवा नगरपालिका-८ झिलमिलिया माई मन्दिरनजिकबाट स्रोत नखुलेको १ हजार दरको ५ सय थान गरी जम्मा ५ लाख रुपैयाँसहित सोही नगरपालिका-३ बस्ने ३० वर्षीया रेहाना खातुनलाई मंगलबार साँझ प्रहरीले पक्राउ गरेको छ। 

प्रदेश २ प्रहरी कार्यालय जनकपुर र जिल्ला प्रहरी कार्यायलबाट खटिएको प्रहरीले जाँच गर्ने क्रममा उनले झोलाभित्र राखेको उक्त स्रोत नखुलेको नगदसहित फेला पारी उनलाई पक्राउ गरेको हो। 

यस सम्बन्धमा थप अनुसन्धान भइरहेको प्रहरीले जनाएको छ।