कटुवा पेस्तोलसहित एकजना पक्राउ    

सिरहा, असार २८ : प्रहरीले सिरहामा कटुवा पेस्तोलसहित एकजनालाई पक्राउ गरेको छ।

गोलबजार नगरपालिका–४ बाट एक थान कटुवा पेस्तोल र उक्त पेस्तोलमा लाग्ने तीन राउण्ड गोलीसहित औरही गाउँपालिका–२ बस्ने सुजित कुमार यादवलाई आइतबार दिउँसो प्रहरीले पक्राउ गरेको हो। 

इलाका प्रहरी कार्यालय गोलबजारबाट खटिएको प्रहरीले जाँच गर्ने क्रममा उक्त पेस्तोल र गोली सहित फेला पारी उनलाई पक्राउ गरेको हो ।

यसबारे थप अनुसन्धान भइरहेको प्रहरीले जनाएको छ।