महँगो भाडा असुलेको आरोपमा दुई माइक्रोबस नियन्त्रणमा, दुईजना पक्राउ

गोरखा, असार २६ : महँगो भाडा असुलेको आरोपमा प्रहीले दुई माइक्रोबसलाई नियन्त्रणमा लिएको छ। ती बससँग सम्बन्धित दुईजनालाई नियन्त्रणमा लिइएको प्रहरले जनाएको छ।

निषेधाज्ञाबीच महँगो भाडा असुलेर गोरखा-काठमाडौं यात्रु ओसारपसार गर्ने बा५ख १०७७ र बा५ख १०७३ नम्बरको माइक्रोबसलाई नियन्त्रणमा लिइएको हो। 

तीमध्ये एउटालाई गोरखा आउँदै गरेको १०१७ लाई मझुवाभन्ने ठाउँबाट र अर्कोलाई काठमाडौं जाँदै गरेको अवस्थामा बाह्रकिलो भन्ने ठाउँबाट नियन्त्रणमा लिइएको प्रहरीले जानकारी दिएको छ।

प्रहरीका अनुसार विशेष सूचनाका आधारमा पक्राउ परेका ती माइक्रोबसले बढी भाडा असुलेको पुष्टि हुन आएको छ ।

गोरखा-काठमाडौं नियमित माइक्रोबस भाडा ४ सय ५० रुपैयाँ भए पनि ती माइक्रोबसले यात्रुसँग दोब्बरभन्दा बढी रकम असुल्ने गरेको पाइएको प्रहरीको भनाइ छ।

निषेधाज्ञा उल्लघंन गरेको कसुरमा उनीहरुमाथि कारबाही हुने प्रहरीले बताएको छ।