थप २८९२ जनामा कोरोना संक्रमण पुष्टि, ४१ को मृत्यु

काठमाडौं, असार १६ : पछिल्लो २४ घण्टामा २,८९२ जना कोरोना भाइरसका संक्रमित थपिएका छन् । 

यसअघि मंगलबार २,६३६ जनामा संक्रमण पुष्टि भएको थियो । जबकी सो दिन ११ हजार ७४८ जनाको परीक्षण भएको थियो । आज भने मंगलबारको भन्दा केही कम अर्थात ११ हजार ५६८ जनामा परीक्षण भएको स्वास्थ्य तथा जनसंख्या मन्त्रालयले जनाएको छ । 

यस्तै पछिल्लो २४ घण्टामा ४१ जनाको मृत्यु भएको छ । 

 पछिल्लो २४ घण्टामा ३,५९७ जना कोरोना संक्रमणमुक्त भएका छन् । 

देशभरमा  ३३,५६१ जना सक्रिय संक्रमित रहेको मन्त्रालयले जानकारी दिएको छ।