नहरले बगाएर ३ वर्षीया बालिकाको मृत्यु 

काठमाडौं, असार १३ : दाङको शान्तिनगर गाउँपालिका ६ कोरबाङ बस्ने थिरु चौधरीको छोरी ३ वर्षीया यामसरा चौधरीको घर नजिकैको कोरबाङ सिँचाई नहरले बगाउँदा आइतबार बिहान मृत्यु भएको छ ।

घर नजिकै खेल्ने क्रममा उक्त नहरले बगाएको भन्ने खबर प्राप्त हुनासाथ ईलाका प्रहरी कार्यालय हपुरेबाट खटिएको प्रहरीले खोजी गर्ने क्रममा घटनास्थलबाट करिब १ किमि टाढा नहरको किनारमा उनको शव फेला परेको हो ।

यस सम्बन्धमा प्रहरीले थप अनुसन्धान गरिरहेको छ ।