दुईजना मृत अवस्थामा फेला

काठमाडौं, असार १३  : पाल्पामा एक र नवलपरासीमा एक गरी दुईजना मृत भेटिएका छन्।

पाल्पाको माथागढी गाउँपालिका-४ घर भई हाल रामपुर नगरपालिका-७ कठानस्थित गुनबहादुर घर्तीको घरमा ६ महिनादेखि बस्दै आएका ३९ वर्षीय माधव घर्ती घरबाट करिब १ सय मिटर टाढा गोरेटो बाटोमा शनिबार मृत अवस्थामा फेला परेको प्रहरीले जनाएको छ। 

त्यस्तै नवलपरासी (पूर्व) को कावासोती नगरपालिका-१७ ढोकी बस्ने ७१ वर्षीय भोलानाथ चौधरी पनि घर नजिकैको मकैबारीमा शनिबार मृत अवस्थामा फेला परेका हुन् । 

यी दुवै घटनाबारे अनुसन्धान भइरहेको प्रहरीले जनाएको छ।