बाढीले मेलम्चीमा एक घर बगायो
सिन्धुपाल्चोक, असार १२ : लगातारको वर्षाले मेलम्ची नगरपालिका-११ मा एक घर बगाएको छ। स्थानीयवासी गोपाल दुलालको तीनतले घर आज बिहान बगाएको हो ।
मेलम्ची र इन्द्रावती खोलामा पानीको बहाव बढेकाले सो घर बगाएको इलाका प्रहरी कार्यालय मेलम्चीका प्रहरी निरीक्षक टीकाराम राईले जानकारी दिए। यही असार १ गतेदेखि आएको बाढीले हेलम्बु र मेलम्चीमा पाँच व्यक्तिको मृत्यु भएको तथा दर्जनौं बेपत्ता भएका छन्।
त्यस्तै ४ सयभन्दा बढी घर विस्थापित भएका छन्। निरन्तर वर्षाका कारण नदीमा पानीको बहाव बढिरहेकाले नदी आसपासका र तटीय क्षेत्रका बासिन्दालाई सुरक्षित रहन प्रहरीले आग्रह गरेको छ।
बाढीले मेलम्चीका ५० भन्दा बढी घर जोखिममा छन्। बाढीले विस्थापितहरु अहिले माख्लो भेगका स्थानमा बसिरहेका छन्।
प्रकाशित मिति: १७:५४ बजे, शनिबार, असार १२, २०७८
प्रतिक्रिया दिनुहोस्
थप समाचार
