नागरिक उड्यान प्राधिकरणको महानिर्देशकमा पोखरेल नियुक्त

काठमाडौं, असार १३ : नेपाल नागरिक उड्डयन प्राधिकरणको महानिर्देशकमा राजन पोखरेल नियुक्त भएका छन्। 

बिहीबार बसेको मन्त्रिपरिषद् बैठकले पोखरेललाई महानिर्देशक बनाउने निर्णय गरेको हो । 

हवाई क्षेत्रको नियमक निकाय प्राधिकरणको महानिर्देशक खाली भएकाले उनी यसअघि निमित्त महानिर्देशक थिए। यसअघिका महानिर्देशक सञ्जीव गौतम ४ वर्षको कार्याकाल पूरा गरी जेठ १३ गते अवकाश लिएका थिए ।