पछिल्लो २४ घण्टामा २६०७ जना कोरोना संक्रमित थपिए, ३९ को मृत्यु

काठमाडौं, असार ३ : पछिल्लो २४ घण्टामा २६०७ जना कोरोना भाइरसका संक्रमित थपिएका छन् ।  यस्तै २ हजार १४१ जना संक्रमणमुक्त भएका छन् ।  

पछिल्लो २४ घण्टामा कोरोनाबाट ३९ जनाको मृत्यु भएको स्वास्थ्य तथा जनसंख्या मन्त्रालयले जानकारी दिएको छ । 

मन्त्रालयका अनुसार जम्मा १२ हजार ४८४ जनामा परीक्षण गर्दा २ हजार ६०७ जना संक्रमित थपिएका हुन् ।  

यससँगै देशभर कोरोना संक्रमितको संख्या ६ लाख १५ हजार ९८४ (पीसीआर) र २४ हजार ५६ (एन्टिजेन विधिबाट) पुगेको छ । 

यस्तै हालसम्म ४ लाख ४५ हजार बढी संक्रमण मुक्त भएका छन् भने मृतकको कुल संख्या ८ हजार ५९७ पुगेको छ।