टेकु अस्पतालमा बालबालिकाका लागि छुट्याइयो चार बेड आइसियु  

काठमाडौं, जेठ २४ : शुक्रराज ट्रपिकल तथा सरुवा रोग अस्पतालमा बालबालिकाका लागि ४ बेड आइसीयु र १२ बेडको आइसोलेसन छुट्याइएको छ। 

स्वास्थ्य तथा जनसंख्या मन्त्रालयले तेस्रो र चौथो लहर आउन सक्ने र यी लहरमा बालबालिका बढी जोखिममा पर्ने सम्भावना रहेको भन्दै आवश्यक तयारी गर्न अस्पतालहरुलाई निर्देशन दिएको थियो। सोहीअनुसार टेकुमा बेड छुट्याइएको हो।

यस्तै मन्त्रालयले देशभरका सबै अस्पताललाई २० प्रतिशत शैय्या कोभिड संक्रमित बालबालिकाको उपचारमा प्रयोग हुने गरी तयारी अवस्थामा राख्न निर्देशन दिएको छ।

अहिले अस्पतालमा कोभिड बिरामीका लागि कुल ४५ बेडको आइसोलेसन, २८ आइसीयु र २१ भेन्टिलेटर छन्। भने ८२ जना कोरोना संक्रमितको उपचार भइरहेको अस्पतालले जनाएको छ।