ज्यानसम्बन्धी कसुरमा फरार चारजना पक्राउ
मोरङ, जेठ २० : ज्यानसम्बन्धी कसुरमा फरार चारजना भरुवा बन्दुकसिहत पक्राउ परेका छन्। मोरङ प्रहरीले उनीहरूलाई बुधबार पक्राउ गरेको हो।पक्राउ पर्नेमा मोरङको केराबारी...
मोरङ, जेठ २० : ज्यानसम्बन्धी कसुरमा फरार चारजना भरुवा बन्दुकसिहत पक्राउ परेका छन्। मोरङ प्रहरीले उनीहरूलाई बुधबार पक्राउ गरेको हो।
पक्राउ पर्नेमा मोरङको केराबारी गाउँपालिका-३ का ४४ वर्षीय डिकबहादर राई, ३६ वर्षीय बुद्धबिर लिम्बु, १९ वर्षीय रामप्रसाद राई र मोरङकै लेटाङ नगरपालिका-१ बस्ने १९ वर्षीय विपन लिम्बु छन्।
पक्राउपछि बयानका आधारमा उनीहरूले केराबारी र लेटाङका विभिन्न ठाउँमा लुकाईछिपाई राखेका भरुवा बन्दुक पनि प्रहरीले बरामद गरेको छ।
गएका वैशाख ८ गते साँझ सिकार गर्न गएका हस्तबहादुर राई बाँसघारी खोप सरकारी वनमा मृत अवस्थामा भेटिएका थिए। उनको दाहिने कुममा गोली लागेको पाइएको थियो।
सोही घटनामा रुबिन लिम्बु र गजेन्द्र बहादुर राई पक्राउ परे। अझै अनुसन्धानका क्रममा बुधबार थप चारजना पक्राउ परेका जिल्ला प्रहरी कार्यालय मोरङले जनाएको छ।
उनीहरू ज्यानसम्बन्धी र हातहतियार खरखजना कसुरमा अनुसन्धान भइरहेको प्रहरीको भनाइ छ।
