पत्रकार महासंघ बागमति प्रदेश अध्यक्षमा देवकोटा विजयी
काठमाडौं, चैत २७ : नेपाल पत्रकार महासंघ बागमति प्रदेशको अध्यक्षमा नुवाकोटका शिव देवकोटा निर्वाचित भएका छन् । देवकोटा पाँच सय ४१ मत ल्याउँदै बागमति प्रदेश अध्यक्षमा निर्वाचित भएका हुन् ।
अध्यक्षका प्रत्यासी हरिप्रसाद पोखरेलले चार सय २१ तथा गिरिजाप्रसाद अधिकारीले २६१ मत प्राप्त गरे । यस्तै, उपाध्यक्षमा मकवानपुरका रुपेश दुलाल र महिला उपाध्यक्षमा मकवानपुरकै नानीमैया (सम्झना) कार्की निर्वाचित भए।
महासचिवमा मकवानपुरका कृष्णसारु मगर निर्वाचित भएन भने सचिव (खुला)मा सिन्धुपाल्चोकका युवराज पुरी, सचिव .(समावेशी)तर्फ दोलखाका जीवन लामा र सिन्धुलीका राजन विक विजयी भए । यस्तै, कोषाध्यक्षमा रामेछापका रमेश ढुंगेल विजयी भएका छन्।
यसैगरी खुला सदस्यमा जीवन कुँवर, रामहरि गजुरेल, श्यामप्रसाद खतिवडा, सन्तोष भुजेल र सुदिप शिवाकोटी विजयी भए भने महिला सदस्यमा अन्जु तामाङ, सम्झना हुँमागाई, ज्ञानु श्रेष्ठ र दलित सदस्यमा केशव नेपाली विजयी भए। यस्तै, आदिवासी जनजाति सदस्यमा काजी श्रेष्ठ र पेमा लामा तथा सदस्य मधेशीतर्फ पवित्रा ढकाल भगत र प्रवीणकुमार दत्त एवं अल्पसङ्ख्यक सदस्यतर्फ निराशी थामी निर्विरोध निर्वाचित भए।
