तनहुँमा चितुवाको आक्रमणबाट बालिकाको मृत्यु

दमाैली, जेठ २५ :  तनहुँको भानु नगरपालिकामा चितुवाको आक्रमणबाट एक बालिकाको मृत्यु भएको छ। 

आफ्नै घरको आँगनमा खेलिरहेको अवस्थामा चितुवाको आक्रमणबाट भानु नगरपालिका–२ भकुण्डोथोककी ९ वर्षीया पुष्पा अधिकारीको मृत्यु भएको प्रहरी नायब उपरीक्षक लीलाराज लामिछानेले जानकारी दिए।

चितुवाले बालिकालाई घरबाटै आक्रमण गरी लगेको र उनको शव घरभन्दा ५०० मिटर पर खरबारीमा शुक्रबार साँझ फेला परेको प्रहरीले जनाएको छ। प्रहरीका अनुसार बालिकाको घाँटीमा चितुवाले चिथोरेको डाम छ भने शरीरका अन्य भागमा कुनै क्षति छैन।